Iria Da Cuña Carrera

Breve CV

Iria Da Cuña Carrera é Diplomada en Fisioterapia pola Universidade de Vigo (2008), Graduada en Fisioterapia pola Universidade da Coruña (2010) e Doutora en Ciencias da Saúde pola Universidade de Málaga (2012). Obtivo os títulos de mestrado de Xestión e investigación da dependencia e da discapacidade (2009) e de Profesorado en educación secundaria, formación profesional e ensino de idiomas (2010), ambos pola Universidade de A Coruña. Con periodicidade asiste a cursos de formación continua resaltando a formación en fisioterapia uroxinecolóxica, respiratoria, Pilates e drenaxe linfático. Para completar esta formación realiza cursos relacionados coa docencia universitaria. A súa produción científica abrangue dende publicacións en forma de comunicación en congresos e capítulos de libro relacionados coa fisioterapia e coa docencia e a publicacións de artigos científicos en revistas de carácter científico nacional e internacional. Pertence ao panel de revisores da revista Cuestiones de Fisioterapia e da revista Psicodidáctica.